2019-cu ilin noyabr, dekabr və bu ilin yanvarında Ağciyər Xəstəlikləri İnstitutunda müalicə alan xəstələrə müraciət edib testlər keçirəcəyik.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində "Tibbi Ərazi Bölmələrini İdarəetmə Birliyinin" (TƏBİB) İdarə Heyətinin sədri Ramin Bayramlı bildirib.
Onun sözlərinə görə, bu xəstəliyin daha əvvəl ölkəmizə daxil olmasını müəyyən etməyə yardımçı olacaq:
"Həm də yoxlamalarla xəstəliyin nə dərəcədə qalıcı olmasını müəyyən edəcəyik".
