Arxiv
10 mart 2021, 17:00 | MEDİA
Parlament jurnalistləri Milli Məclis barədə: "...Tarixdə qalacaq"

Bu gün VI çağırış Milli Məclisin fəaliyyətə başlamasının 1 ili tamam olur.

Parlament jurnalistləri qanunverici orqanın 1 illik fəaliyyəti haqqında təəssüratlarını Modern.az-la bölüşüblər.


Parlament Jurnalistləri Birliyinin sədr müavini Fərəh Sabirqızı bildirib ki, Milli Məclisin yeni rəhbərliyi və yeni tərkibdəki  fəaliyyətində əvvəlkindən daha fərqli və müsbət məqamlar var:


"Bu 1 il demək olar ki, bütövlükdə pandemiya dövrünə düşsə də, Milli Məclis işini dondurmadı, canlı iclasları davam etdirdi. İclasların idarə olunması tərzində də müəyyən yenilik, müasirlik sezilir. Bu 1 ildə jurnalistlər də parlamentdən kənarda saxlanılmadı. Media əhlinin işinə pandemiyanın imkan verdiyi qədər şərait yaradıldı. Məsələn, Milli Məclisin iclaslarından  sədrin və deputatların çıxışlarının videokadrları operativ surətdə jurnalistlərə göndərilirdi ki, bu da televiziya jurnalistləri üçün çox lazımlıdır. 1 ildə xüsusi fərqli məqamlardan biri kimi Milli Məclisin sədri Sahibə Qafarovanın özünün jurnalistlərlə görüşüb brifinq keçirməsini qeyd edə bilərəm. 15 ildən çoxdur parlamentdə akkreditə olan jurnalist kimi ilk dəfə belə sərbəst şəraitdə sədrlə görüşmək imkanı yaradılmışdı. Sahibə xanım hər dəfə media ilə işə böyük önəm verdiyini qeyd edirdi və əməldə də bunu göstərdi. Bundan əlavə, parlamentdə aktual mövzular üzrə deputatlar və komitə sədrlərinin brifinqləri də keçirildi ki, bu da jurnalistlərin ürəyincə oldu. Media otağının yaradılması da müsbət məqamlardan biridir. Ümid edirik ki, pandemiyadan sonra media nümayəndələri ilə iş daha da gücləndiriləcək, junalistlərin parlament binasına mobil telefonla keçməsinə də icazə veriləcək".


Etikxəbər.az
saytının baş redaktoru Kamil Həmzəoğlu parlamentin 1 illik fəaliyyətini, xüsusən də Sahibə Qafarovanın işini müsbət qiymətləndirib:

"VI çağırış Milli Məclis artıq 1 ilini geridə qoydu. Parlament öz fəaliyyətinə fevralın 1-də başlamalı olsa da, növbədənkənar seçkilər təyin olunduğu üçün ilk iclas geçikdi - 2020-ci il martın 10-u baş tutdu. VI çağırışın üç sessiyası, iki iclası ölkə başçısının iştirakı, geniş məzmunlu çıxışı ilə yadda qaldı və çox mühüm mesajlar səsləndirildi. Prezidentin çıxışından sonra parlamentin rəhbərliyi formalaşdırıldı. Son 30 ildə ilk dəfə olaraq parlamentin rəhbərliyinə Elmira Qafarovadan sonra Qafarova soyadlı ikinci bir xanım - Sahibə Qafarova seçildi. Sahibə Qafarova Azərbaycanın ictimai-siyasi həyatında önəmli simalardan biridir. Azərbaycanı Avropa Şurasında uğurlu təmsil edən millət vəkillərindəndir. Avropa Şurasında həm məruzəçi,  həm də komitə sədri olub. Bu günə qədər Azərbaycanı Avropa Şurasında təmsil edən millət vəkillərindən heç biri AŞPA-nın komitə sədri olmamışdı.
İlk dəfə olaraq 1990-91-ci ildən sonra müxalifət təmsilçisi - Vətəndaş Həmrəliyi Partiyasının sədr müavini Fəzail İbrahimli parlament rəhbərliyində təmsil olundu. Eyni zamanda,  parlamentin komitələri yeni formatda təşkil olundu, orada YAP nümayəndələri ilə yanaşı, digər partiya nümayəndələri də təmsil olunur. Parlamentin birinci iclasından sonra ölkədə koronavirus pandemiyası ilə bağlı müəyyən gərginliklər yarandı, sonra isə Milli Məclisin payız sessiyasının başlanğıcı Vətən müharibəsi dövrünə təsadüf etdi. Həm koronavirus, həm də Vətən müharibəsi ilə bağlı parlamentarilərin məsuliyyəti daha da artdı. Parlament Sahibə Qafarova sayəsində üzərinə düşən missiyanı yerinə yetirməyi bacardı. Bütövlükdə Milli Məclisin 1 illik fəaliyyətini müsbət qiymətləndirirəm. Artıq Milli Məclisin iclaslarında kiminsə sözü kəsilmir, kimsə aşağılanmır, əksinə, parlament rəhbərliyi tərəfindən hamıya hər cür şərait yaradılır. Jurnalistlər otağı müasir qaydada təmir olundu. Bir sözlə,  parlamentin 1 illik fəaliyyətini və xüsusən də Sahibə Qafarovanın işini müsbət qiymətləndirirəm".


“Türküstan” qəzetinin baş redaktoru Aqil Camal deyib ki, parlamentin 1 illik fəaliyyəti pandemiya dövrünə düşməsinə baxmayaraq, həm qanunvericilik sahəsində, həm də cəmiyyət həyatının müxtəlif problemlərinin sərbəst müzakirə olunması baxımından səmərəli fəaliyyət göstərildi:

"20 ilə yaxındır parlamentdə akkreditasiya olunmağım mənə müqayisə imkanı yaradır. Jurnalistlər parlament iclaslarında ən çox məlumatları “cari məsələlər”in müzakirəsi zamanı deputatların çıxışlarından əldə edirlər. Əvvəlki dövrlərdə “cari məsələlər”ə məhdudiyyətlər tətbiq olunurdu. Hazırda isə belə deyil. Çıxış etmək istəyən hər kəsə sonadək imkan yaradılır. Bu da, belə deyək ki, medianın işinə yarayır.

Digər bir müşahidəm odur ki, deputatlar parlamentdəki fəaliyyətdən əlavə, mediada, sosial şəbəkələrdə də iştirak aktivliyini artırıblar. Bunun bir tələb, yaxud təbii proses olduğunu bilmirəm, amma yaxşı nümunədir. Nəticədə deputat-seçici təmasları asanlaşıb. Əvvəlki dövrlərlə müqayisədə indi deputatlar xalqı narahat edən məsələləri, xüsusilə sosial mövzuları daha qabarıq səsləndirirlər. 1 illik fəaliyyəti nəzərdən keçirərkən Milli Məclisin sədri Sahibə Qafarovanın uğurlu sədrliyini də qeyd etmək istərdim. Sahibə xanımın özü ilə gətirdiyi ümumi atmosferdən məncə Milli Məclisdə hər kəs, elə jurnalsitlər də razıdır. Düzdür, hazırda pandemiya ilə əlaqədar akkreditə olunmuş jurnalistlər iclas zalında əyləşmirlər. Ancaq, foyedə fəaliyyət üçün imkanlar yaradılıb. Jurnalistlərə müsahibə götürmək və görüşlər üçün əlavə 2 otaq ayrılıb".


AzVision.az saytının əməkdaşı Anar Kəlbiyevin sözlərinə görə,  parlamentin bu dövrdəki fəaliyyəti pandemiya şəraitinə təsadüf etdiyindən Milli Məclisin tarixində qalacaq:
 

"Komitə iclaslarının və bir sıra xarici tədbirlərin onlayn keçirilməsi təcrübəsi yarandı. Baş nazir Milli Məclisdə onlayn hesabat verdi. Bir sözlə, bunlar həm də parlament tarixində yeniliklər idi. Parlamentin yeni seçilən deputatlarının bir çoxu seçici ilə yaxından işləyiblər. Sosial şəbəkələr vasitəsilə onların keçirdiyi görüşləri görmək olar. Yeni seçilən deputatlardan aktiv olanların sayı çoxdur. Bu müddətdə parlamentin media ilə işində də dəyişiklərin olmasını qeyd etmək yerinə düşər. Əvvəlki vaxtlarla müqayisədə operativlik də artıb. 
Milli Məclisin ötən 1 ilində iqtisadi sahəni əhatə edən qanunlara dəyişikliklər edildi. Həmçinin, Türkiyə ilə bir sıra mühüm sənədlər təsdiqləndi. Ümumilikdə, parlamentin 1 il ərzində fəaliyyətini qənaətbəxş hesab edirəm".

 

Mehri QURBAN

BU KATEQORİYADAN OLAN DİGƏR XƏBƏRLƏR
+ Arxiv
“Delimitasiya üçün Xalq Cümhuriyyətinin xəritəsi əsas götürülsün!” – TƏKLİF 25 Oktyabr 2021, 13:45 Səbinə Əliyeva bolqarıstanlı həmkarına Ermənistanın cinayətlərindən danışdı 25 Oktyabr 2021, 13:28 Şənbə-bazarın yol terroru - 8 qəza, 8 ölü 25 Oktyabr 2021, 13:22 Ən çox və ən az məhbusu olan ölkələr: Azərbaycan neçəncidir? - REYTİNQ 25 Oktyabr 2021, 13:17 Rayon sakinlərindən odlu silah GÖTÜRÜLDÜ 25 Oktyabr 2021, 13:12 Koronavirusun delta ştammının FOTOSU 25 Oktyabr 2021, 13:06 Dələduz qadın tutuldu 25 Oktyabr 2021, 13:00 Azərbaycanın mükafatı fəxri konsula verildi 25 Oktyabr 2021, 12:54 Hamilə qadınlar da peyvənd oluna bilər - RƏSMİ 25 Oktyabr 2021, 12:48 Hadi Rəcəbli HARALARDADI... 25 Oktyabr 2021, 12:45 Rusiya ilə Ermənistan Zəngəzurda hərbi təlimlər KEÇİRDİ 25 Oktyabr 2021, 12:39 Goranboyda şəhidin məzarı ziyarət olunub 25 Oktyabr 2021, 12:35 Qanunsuz meşə materialı AŞKARLANDI 25 Oktyabr 2021, 12:31 Prokurorluq 37 yaşlı kişinin ölümünü ARAŞDIRIR 25 Oktyabr 2021, 12:26 Türkiyədə meşələri yandıran 7 rusiyalı saxlanıldı 25 Oktyabr 2021, 12:20 Azərbaycan hansı ölkədən hərbi təyyarələr alacaq? 25 Oktyabr 2021, 12:15 Sabah Bakıda yağış yağacaq 25 Oktyabr 2021, 12:10 8 maşından OĞURLUQ ETDİ 25 Oktyabr 2021, 12:05 Mehriban Əliyeva Qubadlıdan paylaşım etdi - FOTO 25 Oktyabr 2021, 12:00 Qahirədə müdavimlərlə GÖRÜŞ   25 Oktyabr 2021, 11:55 Sərxoş oğru TUTULDU 25 Oktyabr 2021, 11:50 DOST Mərkəzinə MEDİATUR 25 Oktyabr 2021, 11:46 İrəvan-Gümrü qatarı daşa basıldı 25 Oktyabr 2021, 11:42 Azərbaycanın Türkiyəyə ixracı 2 milyard dollara çatır 25 Oktyabr 2021, 11:38 Paşinyan Qafqazda “sülh dövrü”nün başlandığını ELAN ETDİ 25 Oktyabr 2021, 11:34 Bakının mərkəzində qumbara tapıldı - FOTO 25 Oktyabr 2021, 11:30 Tuneldə QƏZA - FOTO 25 Oktyabr 2021, 11:27 Ermənistan hərbi xərclərini artırır – Paşinyan AÇIQLADI 25 Oktyabr 2021, 11:25 Hafiz Hacıyevi süni tənəffüs aparatından ayırıblar - YENİLƏNİB 25 Oktyabr 2021, 11:20 Sabiq şöbə müdirinin məhkəməsində tələbələr dindirildi 25 Oktyabr 2021, 11:16 1059 nəfər toyalara BURAXILMADI 25 Oktyabr 2021, 11:12 “Azəriqaz”ın növbəti aksiyası Cəlilabadda 25 Oktyabr 2021, 11:08 Ermənistanda COVID-19-dan daha 42 nəfər öldü 25 Oktyabr 2021, 11:04 Havar Məmmədov təltif olundu - FOTO 25 Oktyabr 2021, 11:00 Bizimkilər - “Hakim partiyanın qəzetində çalışmağın böyük məsuliyyəti var” - MÜSAHİBƏ 25 Oktyabr 2021, 10:56