Modern.az

Əlbəyaxa döyüş üzrə məşhur idmançı vəfat edib

Əlbəyaxa döyüş üzrə məşhur idmançı vəfat edib

22 Sentyabr 2021, 12:10

Şərq əlbəyaxa döyüş növləri üzrə tanınmış mütəxəssis, beynəlxalq dərəcəli hakim, Turan Do döyüş sənətinin banisi Süleyman Məmmədli vəfat edib.

Modern.az xəbər verir ki, bu barədə onun tələbələri bildiriblər. 73 yaşlı idmançının ölüm səbəbi kimi koronavirusa yoluxma göstərilib.

Süleyman Məmmədli 1948-ci ildə Tovuz rayonunda anadan olub. Orta təhsilini Tovuzda, ali təhsilini isə Rusiyada alıb. Daha sonra Azərbaycanda İdman Akademiyasını bitirib. 1969-cu ildə ilk dəfə karate idman növüylə tanış olduqdan sonra Şərq döyüş növləriylə məşul olmağa başlayıb. 1980-ci illərdə şəxsi çağırışla Macarıstana gedib və idman dərəcəsi alıb. 70-dən artıq döyüş sənətini öyrənib.

Müxtəlif beynəlxalq seminarlarda iştirak eləyib, 47 dövlətdə olub. 2004-cü ildə Amerikada taekvandonun yaradıcılarından olan Bok Mann Kimlə tanış olub. Bundan sonra Çun Kuhn Do ilə məşğul olub. İlk dəfə dünyada ən yüksək dərəcə olan Qrand master dərəcəsini Amerikada alıb.
Əlbayağa döyüşün 4 növü üzrə 10-cu dan qara kəmər, 10 növdən isə Qrand master dərəcəsi alıb.

Allah rəhmət eləsin.

Twitter
Sizə yeni tvit var
Keçid et
Rusiyada ağır döyüşlər: Ukrayna partizanları əraziləri bombalayır