Qazaxıstan Respublikasının paytaxtı Almatı şəhərində 25 ölkə alimlərinin təmsil olunduğu “Nüvə və radiasiya fizikası” mövzusunda VII Beynəlxalq konfrans keçirilib.
Konfransda respublikamızı Milli Elmlər Akademiyasının Radiasiya Problemləri İnstitutunun “Cihazların radiasiya fizikası” laboratoriyasının müdiri, fizika-riyaziyyat elmləri doktoru Şirin Abbasov təmsil edib. Milli Elmlər Akademiyasından Modern.az-a bildirilib ki, Ş.Abbasov konfransda elektron və günəş şüalarının təsirinə dair bir neçə məruzə ilə çıxış edib.
Beynəlxalq konfrans çərçivəsində “Semipalatinski təlim poliqonunun müasir vəziyyəti” mövzusunda dəyirmi masa da təşkil olunub və Semipalatinski təlim poliqonunun “şimal” hissəsinin xalq təsərrüfatına istifadəyə verilməsi məsələsi müzakirə edilib. Bu məsələ ilə bağlı Nevada–Semipalatinski hərəkatının lideri Oljas Süleymanov və başqaları çıxış ediblər.
