Suriyadakı yüksək səviyyəli İraq Şam İslam Dövləti (İŞİD) terror təşkilatının üzvləri qaçqın şəhərciyindən yalnız 2 kilometr uzaqda yerləşən bir villada sanki kef çəkirlər.
Modern.az xarici KİV-ə istinadən xəbər verir ki, bütün fəaliyyətlərini internetdə paylaşan İŞİD yaraqlılarının Atmeh kəndindəki bir villada yaşadığı həyat tərzi da hamını çaş-baş salıb. Terrorçular hovuzlu villa həyatlarını çəkib internetə yerləşdiriblər.
Villa aclıq və susuzluqdan əziyyət çəkən suriyalı qaçqınların yerləşdiyi düşərgədən yalnız iki kilometr aralıdadır. Dünyanın ən zəngin terror təşkilatlarından biri İŞİD-in yaraqlıları lüks villada təntənəli bir həyat yaşayarkən, şəhərcikdə yaşayan suriyalılar sanki həyat mübarizəsi aparırlar.
Modern.az
