Fransanın ultramillətçi “Milli Cəbhə” partiyasının sədri Marin Le Pen 2017-ci il prezident seçkilərində iştirak edəcəyini açıqlayıb.
Modern.az xarici KİV-ə istinadən xəbər verir ki, bu barədə qadın siyasətçi qonağı olduğu telekanallardan birində deyib. “Mən doğrunu qoruyan namizəd olacam. Fransa vətəndaşlarına yalan satmaqla məşğul olamayacam”.
2012-ci ildə prezident seçkilərində iştirak etmiş Marin Le Pen Fransua Olland və Nikolya Sarkozidən sonra 18% səslə 3-cü yeri tutumuşdu.
Miqrant böhranı və Parisdəki silsilə terror aktları fonunda “Milli Cəbhə” partiyasının populyarlığı artıb. Sonuncu regional seçimlərdə 6 milyon fransız partiyaya səs vermişdi.
"Milli Cəbhə" partiyası 1972-ci ildə Jan Mari Le Pen tərəfindən yaradılıb. 2011-ci ildən rəhəbrlik onun qızı Marin Le Penə keçib.
Vüqar İsmayılov