Azərbaycanda noyabrın 5-dən 9-u axşamadək hava şəraitinin qeyri-sabit keçəcəyi, yağış yağacağı, dağlıq ərazilərdə qar yağacağı gözlənilir. Havanın temperaturu ötən günlərlə müqayisədə tədricən 5–10 dərəcə enəcək.
Modern.az xəbər verir ki, bu barədə Milli Hidrometeorologiya Xidməti məlumat yayıb.
Bakıda və Abşeron yarımadasında noyabrın 5-i axşamdan 9-u axşamadək fasilələrlə yağış yağacağı gözlənilir. Yarımadanın ayrı-ayrı yerlərində yağışın qısamüddətli intensivləşəcəyi, şimşək çaxacağı ehtimal olunur.
Rayonlarda isə noyabrın 5-i günün ikinci yarısından şimal və qərb bölgələrindən başlayaraq hava şəraiti qeyri-sabit keçəcək. Ayrı-ayrı yerlərdə intensiv leysan yağacağı, şimşək çaxacağı, dolu düşəcəyi, dağlıq ərazilərdə qar yağacağı gözlənilir. Noyabrın 5-i axşam və 6-sı gecə yağıntıların bir qədər güclənəcəyi ehtimal olunur.
Çaylarda sululuğun artacağı, Böyük Qafqazın və Lənkəran-Astara bölgəsinin bəzi çaylarından qısamüddətli daşqın və sel keçəcəyi istisna edilmir.
