Ukraynanın keçmiş prezidenti Viktor Yanukoviç bu gün Rostovda keçirilən mətbuat konfransında mayın 25-nə təyin olunan növbədənkənar prezident seçkilərinin legitim olmadığını bəyan edib. Modern.az saytının xarici KİV-ə istinadən verdiyi xəbərə görə, Yanukoviç deyib ki, mayın 25-də seçkilər “ekstremist qüvvələrin” total nəzarəti altında keçiriləcək. Bundan əlavə, o xatırladıb ki, hakimiyyətdən impiçment prosedurundan yan keçilərək uzaqlaşdırılıb və formal olaraq qanuni prezidentdir: “Belə situasiyada Konstitusiya növbədənkənar seçki keçirilməsinə imkan vermir”.
Yanukoviç Kiyevə qayıtmaq niyyətində olduğunu və bunun üçün çox gözləməyə ehtiyac olmayacağını da vurğulayıb.
Modern.az
