Mətbuat günü ərəfəsində bəzi ictimai, siyasi faəliyyət sahiblərinə "Jurnalistlərin dostu" mükafatı verən "Qafqaz-Media" İctimai Birliyi qınaqla üzləşib. "Jurnalistlərin dostu" mükafatının ona məxsus olduğunu bildirən Mətbuat Şurasının rəhbərliyi narahatdır.
“Biz qısqanc deyilik, amma hardasa qınaq yeri gəlir”. Bunu Modern.az-a açıqlamasında Mətbuat Şurasının icraçı katibi Rəhim Hüseynzadə deyib.
Onun sözlərinə görə, belə mükafatın olduğunu bilə-bilə eyni adda mükafat təsis etmək və kimlərsə təqdim etmək etik çərçivəyə sığmır:
“Heç olmasa özlərinə məxsus ad seçməlidilər. Ad məsələsində diqqətli olmaq lazımdır, mükafat verəndə düşünmək lazımdır. Bunu plagiyat hesab etmirəm, amma onları öz vicdanlarına buraxmışıq”.
Məltəm Talıbzadə
