
İranın dini lideri Ayətullah Seyid Əli Xamnei cərrahi əməliyyat olunub. Modern.az Fars agentliyinə istinadən xəbər verir ki, Tehrandakı dövlət xəstəxanasında prostat əməliyyatının uğurlu keçirildiyi bildirilir. Xəstəxanaya yollanmazdan öncə dövlət televiziyasına açıqlama verən Ayətullah Xamnei “narahatçılıq üçün əsas yoxdur”, – deyib.
“Əlbəttə, bu, xalqımızdan dua istəmədiyim mənasına gəlmir. Ancaq Allahın izni ilə bu olduqca bəsit və normal bir əməliyyatdır. Buna görə əndişə ediləcək bir durum yoxdur”.
Modern.az