Xırdalanda baş verən partlayışda yanıq xəsarətləri alan iki nəfər Respublika Yanıq Mərkəzinə yerləşdirilib. Bu barədə Modern.az-a mərkəzin baş həkimi Vüqar Ələkbərov məlumat verib.
“Xəstələr bir ailənin üzvüdür. Onlardan biri 42 yaşlı Vidadi İsmayılovdur, bədəninin 90%-i, eyni zamanda tənəffüs yolları tamamilə yanıb, hazırda reanimasiyadadır, vəziyyəti ağırdır. Onun 13 yaşlı oğlu İsmayılov Yunus nisbətən az yanıb. Hər iki ətrafın yanığı diaqnozu ilə xəstəxanaya daxil olub, bədənin 30%-i yanıb, palataya yerləşdirilib. Uşağın həyati təhlükəsi olmasa da, atasının yaşaması sual altındadır”, - deyə həkim vurğulayıb.
