Yaponiyanın baş naziri Sindzo Abe Rusiya prezidenti Vladimir Putinə göndərdiyi səfər təklifini geri götürüb. Modern.az Rusiya mətbuatına istinadən xəbər verir ki, yaxın aylarda baş tutmalı olan səfər ABŞ-ın Yaponiya hökumətinə göndərdiyi xahişdən sonra təxirə salınıb.
Bununla belə, Sindzo Abe 2015-ci ilin noyabrında Pekində keçiriləcək Asiya-Sakit Okean İqtisadi Birliyinin sammitində Putinlə görüşməyə ümid edir. Yaponiya həm də Amerika-Rusiya münasibətlərinin gələcəkdə yaxşılacağı halda Vladimir Putini 2015-ci ildə qəbul etməyə hazır olduqlarını bilidribblər.
Rəsmi Moskva hələ ki səfərin təxirə salınması ilə bağlı rəsmi açıqlama verməyib.
Yaponiya Ukrayna böhranına görə Rusiyaya qarşı tətbiq edilən sanksiyalara martın 18-dən qoşulub. Həmin vaxt viza rejiminin sadələşdirilməsi ilə bağlı Rusiya-Yaponiya məsləhətləşmələri və bir neçə ortaq layihələr dondurulub. Bundan başqa, 63 rusiyalı məmurun ölkəyə girişinə qadağa tətbiq edilib.
Vüqar İsmayılov
