“Olimpiya oyunlarına dəvət məsələsi ilə Avropa Olimpiya Komitəsi məşğul olur. Ermənistanın yarışlara qatılacağı hələlik bəlli deyil. Ermənistana dəvət göndərilməsi Avropa Olimpiya Oyunları Komitəsinin qərarıdır. Azərbaycanın dəvətinə isə nə rəsmi imtina, nə də təsdiq var”.
Bunu Modern.az-a Gənclər və İdman Nazirliyinin mətbuat xidmətinin rəhbəri Səmayə Məmmədova deyib.
“Bir müddət öncə Azərbaycan oxçuları da Ermənistanda keçirilən lisenziya xarakterli yarışlara qatılmışdı. Odur ki, erməni idmançıların Azərbaycana gəlmə ehtimalları var. Son qərar yenə də onlardan asılıdır”, - deyə nazirlik rəsmisi vurğulayıb.
Gülşən RAUFQIZ
