“Almaniyada özünü yandıran azərbaycanlı gənc Zaur Məmmədli əməliyyat olunacaq”. Bunu Modern.az-a hazırda Duysburq xəstəxanasında gəncin yanında olan Alman-Azərbaycan Mədəniyyət Evinin icraçı direktoru Rəşad Quliyev deyib. Onun sözlərinə görə, Z. Məmmədlinin özünü yandırmasına səbəb Almaniyada hüquqlarının pozulması olub:
“Zaurun 26 yaşı var. Sumqayıtda yaşayıb. Sol tərəfində bir çox hissələr yanıb. Həkimləri ilə danışdıq. Şükürlər olsun ki yaxınlarda əməliyyatdan sonra durumu düzələcək. Biz bu məsələni bu cür qoymayacağıq. Hazırda Alman-Azərbaycan Mədəniyyət Evi rəhbərliyi olaraq Zaur qardaşımızın yanına Duysburq xəstəxanasına vəkillə birlikdə gəlmişik. Bu məsələdə Zaurun hüququnu tapdalayan məmurlar cəzasını tapmayana qədər əlimizi bu işdən çəkməyəcəyik. Sosial təşkilatlarda, xaricilər idarəsində gəncin hüquqları pozulub. Bu da onun sinir sisteminə mənfi təsir edib. Artıq Almaniyanın bir neçə dövlət qurumlarına müraciət olunub”.
