Modern.az Müdafiə Nazirliyinə istinadən xəbər verir ki,Azərbaycan və Türkiyə Hərbi Hava Qüvvələrinin birgə təlimləri zamanı təyyarəçilər döyüş uçuşları icra edərək şərti hava döyüşləri imitasiya olunmaqla müxtəlif manevrlər yerinə yetiriblər. .
Qeyd edək ki, ümumilikdə təlimlərdə iki ölkənin HHQ-lərinin müştərək fəaliyyətlərinin planlaşdırılması, əməliyyatların keçirilməsi üzrə qarşılıqlı fəaliyyət və döyüş uzlaşması imkanları yerinə yetirilir.
Təlimlərdə Azərbaycan və Türkiyə Hərbi Hava Qüvvələrinə məxsus 30-dan artıq aviasiya vasitəsi, o cümlədən, MiQ-29, F-16 qırıcı, Su-25 hücum və C-130 Herkules hərbi-nəqliyyat təyyarələri, Mi-24, AH-1W Super Cobra döyüş və Mi-17, Sikorski UH-60 döyüş-nəqliyyat helikopterləri iştirak edir.
Aviasiya vasitələrinin iştirakı ilə keçirilən birgə təlimlər oktyabrın 3-dək davam edəcək.
Modern.az
