Mərasim dövlət himninin səsləndirilməsi ilə başlanıb.Tədbirdə çıxış edən Lerik rayon İcra Hakimiyyətinin başçısı Rövşən Bağırov hərbi xidmətin hər bir vətəndaş üçün müqəddəs borc olduğunu vurğulayıb, O, bildirib ki, prezident İlham Əliyevin rəhbərliyi altında Azərbaycan Silahlı Qüvvələri regionun ən güclü ordusuna çevrilib və hazırda qarşıya qoyulan bütün vəzifələrin öhdəsindən gəlmək qabiliyyətindədir. Ordu sıralarında xidmətin böyük şərəf və məsuliyyət olduğunu bildirən rayon İcra Hakimiyyətinin başçısı gənclərə uğurlar arzulayıb.
YAP Lerik rayon təşkilatı gənclər birliyi də öz növbəsində gənclərlə görüşüb onları Vətənimizin keşiyində mətanətlə və sayıq dayanmağa çağırıb. Hərbi xidmətə yola salınan gəncləri təbrik edərək dövlət müstəqilliyinin qorunmasında, eyni zamanda, gənclərin bir şəxsiyyət kimi formalaşmasında milli ordumuzun əhəmiyyətindən söz açıb, ölkəmizin təhlükəsizliyi və müdafiəsinin təminində Azərbaycan Ordusunun müstəsna rolundan danışılıb. Sonda hərbi orkestrin sədaları ilə Dövlət bayrağını öpüb, müqəddəs Qurani kərimin altından keçən gənclər təntənəli surətdə həqiqi hərbi xidmətə yola düşüblər.
Mail
