Tarixdə ilk dəfə dolların məzənnəsi rus rubluna nisbətdə 40 rublu keçib.
Modern.az AzərTAc-a istinadən xəbər verir ki, bu barədə Moskva birjasının məlumatlarında qeyd olunub.
Bu gün səhər Moskva birjasında dolların rus rubluna olan məzənnəsi ötən günlə müqayisədə 5 qəpik yüksələrək 40,01 rubl olub. Avro isə 19 qəpik bahalaşaraq 50,12 rubla satılıb.
Ötən həftədə də dollar daha bir tarixi maksimuma yüksəlib. Oktyabrın 3-də Moskva birjasında onun rubla olan məzənnəsi 40 qəpik artaraq 39,95 rubla çatıb.
Modern.az
