Gənc Ana və Uşaqların Maarifləndirmə İctimai Birliyi tərəfindən Əmək və Əhalinin Sosial Müdafiəsi Nazirliyinin bilavasitə maliyyə və texniki dəstəy və TİKA-nın Bakı Ofisinin əməkdaşlığı çərçivəsində görmə qabiliyyəti məhdud və ya itirilmiş uşaqlar üçün Dil kursları və İnformasiya Mərkəzinin yaradılması layihəsi həyata keçirilir
Gənc Ana və Uşaqların Maarifləndirmə İctimai Birliyinin sədriNigar Aslanovanın Modern.az saytına verdiyi məlumata görə, layihənin əsas və son məqsədi görmə qabiliyyətini itirmiş uşaqların cəmiyyətə tam və səmərəli inteqrasiyasına dəstək verməkdir. Mərkəzin yaradılmasında məqsəd bu uşaqların sağlam uşaqlarla davamlı ünsiyyətini təşkil edərək cəmiyyətdə mövcud olan stiqmanın aradan qalıdırılmasına dəstək verməkdir.
Layihənin həyata keçirildiyi müddətdə belə uşaqlara mənəvi-psixoloji dəstək göstərməklə onların özlərinin reallaşdırmaq imkanlarına nail olmaq, informasiya əldə etmələrini artırmaqdır.
Bu ilin avqust ayından başlamış layihə altı ay müddətində olmaqla, 2014-cü ildDekabrın sonunda Mərkəzin açılış ilə tamamlanacaq. Artıq layihənin hazırlıq mərhələsi bitib. Hazırda gələcəkdə davamlı fəaliyyət göstərəcək mərkəzdə işləyəcək mütəxəsisslərin treyninqləri, informasiya materiallarının hazırlığı və mərkəzin texniki təchizatının qurulması mərhələsi həyata keçirilir. Layihə bitdikdən sonra görmə qabiliyyəti çox məhdud və ya itirilmiş hər bir uşaq bu mərkəzin imkanlarından faydalana biləcək.
Gələcəkdə təşkilat tərəfindən sağlamlıq imkanları məhdud uşaqlarla bağlı daha yeni, müasir və sosial layihələrin həyata keçirilməsi nəzərdə tutulub.
Modern.az
