Kiyevdə bir qrup fəal bu gün hüquq-mühafizə orqanlarının kordonunu yararaq Ali Radaya girməyə cəhd edib. Modern.az Ukrayna KİV-nə istinadən xəbər verir ki, bu zaman güc strukturlarının əməkdaşları ilə etiraz edənlər arasında dava düşüb. Əllərində dəyənək olan fəalların parlament binasına daxil olmaq cəhdinin qarşısı alınıb. Maskalı cavanlar binaya “Molotov kokteyli” atıblar, nəticədə bir necə pəncərə şüşəsi qırılıb.
“Azadlıq” Partiyasının lideri Oleq Tyaqnibok və bu partiyadan deputat olan Aleksandr Mirnıy təxribat törədənlərin Medvedçukun adamları olduqlarını deyiblər.
Digər məlumata görə, qarşıdurmada iştirak edənlər “Sokol” ictimai birliyinin üzvləri olublar. Bəzi mənbələr isə fəalların "Sağ sektorun" nümayəndələri olduğunu bildirir.
