Bu gün 4 nömrəli Xankəndi orta məktəbində "Açıq Əyləncəli Futbol Məktəbləri" festivalı keçirilib.
Modern.az xəbər verir ki, bu gün Ramanı qəsəbəsində yerləşən Şuşa və Xankəndi köçkün şəhərciyində Nizami Gəncəvi adına inşa edilmiş 4 nömrəli Xankəndi orta məktəbində "Açıq Əyləncəli Futbol Məktəbləri" festivalı keçirilib. Açılışda millət vəkili Rauf Əliyev, Şuşa RTŞ müdiri Təvəkkül Əliyev, məktəbin direktoru Nizami Xudiyev, Şuşa UGİM direktoru Novruz Əbülqasımov iştirak edib.Festivala 7-12 yaş arası 150-yə yaxın qız və oğlan qatılıb. Məktəb tərəfindən festivalda iştirak edənlərə təmənnasız olaraq top, mayka və başqa ləvazimatlar da verilib.
