Avropa Parlamentinin nümayəndə heyəti insan haqları üzrə Saxaraov mükafatını ala bilməyən və hazırda həbsdə olan Sülh və Demokratiya İnstitutunun direktoru Leyla Yunusa görə Azərbaycana gələcək. Modern.az saytının xarici KİV-ə istinadla verdiyi xəbərə görə bu barədə Avropa Parlamentinin sədri Martin Şultz məlumat verib.
O bildirib ki, Saxaraov mükafatının noyabrın 26-da Strasburqda keçiriləcək təqdimat mərasiminə “Avromaydan” fəalları da dəvət ediləcək. Tədbirdə 50 min avro mükafatı qazanan Konqodan olan həkim-ginekoloq Deni Mukveqeyə təqdim ediləcək.
Martin Şultz onu da qeyd edib ki, Saxarov mükafatının finalçıları arasında yer alan hüquq müdafiəçisi Leyla Yunusa da dəstək olmaq üçün Avropa Parlamenti nümayəndələri Azərbaycana səfər edəcəklər.
Qeyd edək ki, Saxarov mükafatını ötən gün konqolu ginekoloq Deni Mukveqeyə verib.
Xatırladaq ki, Leyla Yunus Ermənistan xüsusi xidmət orqanları ilə əməkdaşlıqda, dövlətə xəyanətdə ittiham olunur. Məhkəmənin qərarı ilə ona 3 aylıq həbs qətimkan tədbiri seçilib.
Modern.az
