Gürcüstanın Adigen rayonunun Moxe kəndində məscidin sökülməsinə etiraz edən azərbaycanlı tələbələr Prezident Administrasiyasının (Dövlət Dəftərxanası) qarşısında kütləvi namaz qılıblar. Modern.az saytı Rusiya mətbuatına istinadən xəbər verir ki, azərbaycanlı gənclər bu aksiyanı Gürcüstan hökumətinə milli və dini azlıqların hüquqlarını xatırlatmaq üçün keçiriblər.
Xatırladaq ki, 2013-cü ilin avqustunda Adıgen rayonunu Moxe kəndində yerləşən məscidin minarəsi “əmlak ekspertizası”nın keçirilməsinə ehtiyac yarandığı üçün sökülmüşdü. Buna etiraz edən 20-yə yaxın müsəlam isə gürcü polisi tərəfindən həbs olunmuşdu.
Modern.az azərbaycanlıların etiraz aksiyasının videosunu təqdim edir.
