Qırğızıstanın paytaxtı Bişkek şəhərində 38 yaşlı Azərbaycan vətəndaşı Rəşad.M həbs olunub. Modern.az saytı Qırğızıstan mətbuatına istinadən xəbər verir ki, azərbaycanlı iş adamı Qırğızıstan vətəndaşlığını qanuni alıb-almaması ilə bağlı yoxlama aparan polisə yoxlamanı dayanrıması üçün 3 min dollar rüşvət verərkən həbs olunub. Azərbaycan vətəndaşı saxlanılıb və onun barəsində “rüşvət vermə” maddəsi ilə cinayət işi açılıb.
Qeyd edək ki, Rəşad M. Qırğızıstan ərazisi vasitəsilə Çindən Rusiyaya yük daşımaları həyata keçirən şirkətə rəhbərlik edir.
