Türkiyənin enerji və təbii qaynaqlar naziri Taner Yıldız Qaraman bölgəsində mədən qəzası yaşanan müəssisədə aparılan xilasetmə işləri ilə bağlı açıqlama verib.
Modern.az Türkiyə mətbuatına istinadən xəbər verir ki, Taner Yıldız mədən ocağındakı su basması səbəbiylə orda qalan işçilərin qurtarılma işlərinin fasiləsiz davam etdiyini söyləyib: “Suyun axıdılması ilə bağlı problem yoxdur, amma su qurtardıqca arxasınca palçıq və çöküntülərin gəlməsi aparılan işləri çətinləşdirir”.
Nazir “zaman keçdikcə 18 işçiylə bağlı ümidlərin azaldığını söyləmək məcburiyyətindəyəm” deyib. Qeyd edək ki,Türkiyədə kömür mədənində su borusunun partlaması nəticəsində 18 nəfər su altında qalıb. Onların sağ qalmaq ehtimalı sıfıra bərabərdir.Gülşən RAUFQIZI
