Pakistanda “Quran”ı təhqir etdikləri iddia olunan bir xristian ər-arvad qəzəbli kütlə tərəfindən linç edilib. Modern.az xarici KİV-ə istinadən xəbər verir ki, polis cütlüyün cəsədlərinin işlədikləri kərpic sexində yandırıldığını açıqlayıb.
Polisin Şama və Şehzad adlı xristianları qurtarmağa çalışdığını, ancaq kütləni dayandıra bilmədiyini söyləyib. Hadisənin ardından bəzi yüksək vəzifəli polis səlahiyyətlilərinin və nazirlərin bölgəyə getdiyi açıqlanıb. Şəhərin xristian məhəllələrində təhlükəsizlik tədbirlərinin artırıldığı bildirilir.
May ayında Multan şəhərində dini təhqir etməkdə günahlandırılan vəzifəli bir təhsil işçisini müdafiə edən Raşid Rehma adlı vəkil silahlı hücum nəticəsində ölmüşdü. Keçən ay da 2010-cu ildə dinə təhqirə görə təqsirli bilinən Üsyankara Bibi adlı qadının edam cəzası təsdiqlənib.
Pakistanda 1990-cı illərdən bu yana bir çox xristian dini təhqir etdikləri səbəbində günahkar biliniblər. Onların çoxu aşağı məhkəmələr tərəfindən edam cəzasına məhkum edilib. Ancaq bu cəzaların bir çoxu sonradan kifayət qədər sübut olmadığına görə ləğv edilib.
Modern.az
