Milli Məclisin Sosial siyasət komitəsinin sədri Hadi Rəcəbli 2015-ci ilin dövlət büdcə zərfinin müzakirəsi zamanı uşaqların sağlamlığının qorunmasının vacib olduğunu bildirib. Modern.az xəbər verir ki, onun fikrincə, bu məqsədlə büdcədə 318 min manatın nəzərdə tutulması olduqca azdır: “Büdcə layihəsində sanatoriya və kurortlar üçün 2,2 faiz vəsait ayrılıb, bu da azdır. Həm uşaqların sağlamlığı, həm də adını çəkdiyim sahələr üzrə ayrılacaq vəsaitlər gələcəkdə artırılmalıdır”.
Hadı Rəcəbli bildirib ki, Dövlət Sosial Müdafiə Fondu 2015-ci ildə daha gərgin işləməli olacaq: “Büdcədən Dövlət Sosial Müdafiə Fonduna edilən transferin məbləği 42 milyon manat azalıb.Buna görə də Dövlət Sosial Müdafiə Fondu yığım vəsaitlərini artırlmalıdır ki, pensiyalar da artsın”.
Aqşin KƏRİMOV
