Milli Məclisin Sosial siyasət komitəsinin 2015-ci ilin dövlət büdcəsi ilə bağlı keçirdiyi iclasda Tibb Universitetinin rektoru, deputat Əhliman Əmiraslanov yollayışların bölüşdürülməsindən şikayətlənib.
Modern.az saytının verdiyi xəbərə görə, o, bildirib ki, sanatoriya-kurort sahəsinə ayrılan vəsaitin artırılması ilə yanaşı, həm də bu vəsaitin xərclənməsinə nəzarəti gücləndirmək lazımdır: “İstirahətə göndərdiyimiz şəxslər üçün yollayışlara, sanator-kurort göndərişlərinə ayrılan vəsaitlərin necə istifadə olunmasına nəzarət gücləndirilməlidir. Çünki istirahət yerinə göndərilən insanlar üçün bu göndərişlərin ədalətli bölgüsündə problemlər var. Konkret nəzarət mexanizmi ilə ədalət prinsipi bərpa olunmalıdır”.
