Noyabrın 15-də Kiprdə Türkdilli ölkələrin növbəti toplantısı keçiriləcək. Türkiyənin Azərbaycandakı səfirliyinin mətbuat müşaviri Həmid Karadəniz konfransa Azərbaycandan dəvət olunmuş jurnalistlərin adlarını açıqlayıb.
O, Modern.az-a bildirib ki, konfransda Azərbaycan mediasından Əflatun Amaşov, Vüqar Səfərli, Yunus Oğuz, Elçin Mirzəbəyli, Aydın Quliyev, Hikmət Babaoğlu və Sevil Yusifova iştirak edəcək: “Jurnalistləri Ankara seçib. Burada hansı meyarlar əsas götürülüb, bu barədə biz bir şey deyə bilmərik. Seçimi biz etmədik. Ankarada Baş Məclis buna qərar verib. Onu deyə bilərəm ki, gələn il belə olmayacaq”.
Məltəm TALIBZADƏ
