Türkiyənin Karaman əyalətinin Ermenek şəhərində baş verən mədən qəzasında təqsirli bilinən mədən sahibi Saffet Uyar bu gün təslim olub.
Modern.az türk KİV-nə istinadən bildirir ki, günlərdir axtarılan mədən sahibinin vəkili onun bu gün Ali Məhkəməyə təslim olacağını açıqlayıb.
Təqsirləndirlən şəxsin vəkili qeyd edib ki, S. Uyarın vəkalətnaməsi artıq Ali Məhkəməyə təslim edilib.
Onun sözlərinə görə, Uyarın bu günə qədər təslim olmamasına səbəb mədəndəkin qəzadan sonra ürəyində yaranan narahatlıq olub. Hazırda özünü yaxşı hiss edən mədən sahibi məhkəməyə çıxarılacaq.
Xatırladaq ki, hadisə oktyabr ayının 28-də baş verib. Mədəndə su borusunun partlaması nəticəsində işçilər uçan kömür şaxtasının altında qalıblar. Aparılan xilasetmə işləri nəticəsində 18 işçidən 2 nəfərinin cəsədi tapılıb.
Məltəm Talıbzadə
