Noyabrın sonunda Gürcüstan Azərbaycanla sərhəddə beş sərhəd sektorunun tikintisinə başlayacaq. Modern.az saytı “Qruziya Onlayn”-a istinadən xəbər verir ki, bu barədə Gürcüstanin baş naziri İrakli Qaribaşvli məlumat verib.
Onun sözlərinə görə həmçinin, uyğun sərhəd infrastruktur tikintisi də planlaşdırılır.
Baş nazir bildirib ki, sərhəd sektorları tikintisi Avropa Birliyinin “Şərq Əməkdaşlığı” proqramı çərçivəsində Azərbaycan və Gürcüstan arasında aparılacaq.
“Həmçinin Türkiyə ilə sərhəd infrastrukturu bərpa ediləcək. Gürcüstan hökuməti sərhəd infrastrukturunun qurulması üçün maksimum səy ortaya qoyur”,-deyə İrakli Qaribaşvili söyləyib.
Aqşin Kərimov
