Qoşunların təmas xəttində Azərbaycan hərbçisinin Ermənistan silahlı qüvvələrinin hərbi-döyüş təyinatlı helikopterini vurması İtaliya mətbuatının da gündəm mövzularından biri olub.
Modern.az saytının məlumatına görə “direttaneews.it” nəşri yazıb.
Sözügedən KİV orqanı belə hesab edir ki, məlum helikopter hadisəsindən sonra Rusiya Ermənistanı dəstəkləyəcək. Nəşr post-sovet məkanını Avropa hərbi teatrına oxşatmaqla yazıb ki, Ukraynanın şərqindən Rusiya tanklarının çıxmasından sonra Qafqaz regionu yenidən hadisələrin episentri olmaq riski ilə üzləşir.Nəşrin iddiasına görə Qarabağ münaqişəsinin həlli ilə bağlı vasitəçilik edən Rusiya bundan sonra Ermənistanı dəstəkləyəcək.
Aqşin Kərimov
