İtaliyanın “İnter” klubunun rəhbərliyi baş məşqçi Valter Matsarini istefaya göndərib.
Modern.az xarici KİV-ə istinadən xəbər verir ki, bu qərar komandanın göstəricilərinin qaneedici olmaması səbəbindən verilib. İtaliya çempionatının 11-ci turundan sonra “İnter” 16 xalla turnir cədvəlində 9-cu yerdədir.
Matsarinin rəhbərliyi ilə ötən mövsümü komanda 5-ci yerdə başa vurub. “İnter”in baş məşqçisi yerinə əsas namizədlər arasında bu ilin yayında “Qalatasaray”dan ayrılan Roberto Mançinin adı çəkilir. O 2004-2008-ci illərdə də bu klubun baş məşqçisi olub.
“İnter” növbəti turda noyabrın 23-də “Milan”la qarşılaşacaq.Modern.az
