“Bakı 2015” Avropa Oyunlarının açılış mərasiminə 200 gün qalmasını qeyd etmək məqsədilə paytaxtda işıqlandırma effektlərindən ibarət möhtəşəm şou təşkil ediləcək.
Bu barədə Modern.az-a Avropa Oyunları Təşkilat komitəsindən bildiriblər: “İlk Avropa Oyunlarının başlamasına qalan 200 günü qeyd etmək üçün noyabrın 24-ü İçərişəhərdə şəhəri işıqlandıracaq və diqqətçəkici nümayiş baş tutacaq.
“Bakı 2015”in təsviri əfsanəvi Qız Qalası memarlıq abidəsinin üzərində möhtəşəm şəkildə nümayiş olunacaq və axşam “Bakı 2015”lə bağlı xüsusi bir xəbər elan olunacaq.
Tədbir axşam saat 8-də başlayacaq və sonda möhtəşəm işıqlandırma effektlərindən ibarət şou ilə başa çatacaq”.
Gülşən RAUFQIZI
