“TQDK-da fəaliyyət göstərən elmi-metodiki seminarlarda dəfələrlə açıq tipli test tapşırıqlarının sayının artırılması təklifləri səslənib. Bunları nəzərə alaraq, 2015-ci ilin qəbul imtahanlarında uyğunluğu müəyyən etmək üçün tapşırıqlarının sayının 1 ədəd azaldılması və hər ixtisas qrupunda üçüncü bir fəndən açıq tipli test tapşırıqlarının istifadəsi planlaşdırılır”.
Modern.az-ın məlumatına görə, bu gün keçirilən mətbuat konfransında Tələbə Qəbulu üzrə Dövlət Komssiyasının (TQDK) sədri Məleykə Abbaszadə belə deyib.
O, qəbul imtahanlarında 2015-ci ildə hər ixtisas qrupunda üç fənn üzrə hər birində 4 ədəd test tapşırığının istifadəsinin nəzərdə tutulduğunu deyib.
Gələn il I ixtisas qrupunda riyaziyyat, kimya, fizika, II ixtisas qrupunda riyaziyyat, coğrafiya, ana dili, III qrupda riyaziyyat, tarix, ana dili, IV ixtisas qrupunda isə riyaziyyat, kimya, biologiya fənləri üzrə açıq tipli test tapşırıqları tətbiq olunacaq.
Aşağıdakı cədvəldə bu fənlərin qruplar üzrə çeşidi və həmin fənlərin müvafiq qrupdakı çəki əmsalları təqdim olunur.
| İxtisas qrupları | Fənnin adı | Çəki əmsalı | Sayı |
| I | Riyaziyyat | 2 | 3-hesablama,1-uyğunluğu müəyyən etmək |
| Fizika | 2 | 2-hesablama,1-seçim,1-uyğunluğu müəyyən etmək | |
| Kimya | 1 | 2-hesablama,1-seçim,1-uyğunluğu müəyyən etmək | |
| II | Riyaziyyat | 2 | 3-hesablama,1-uyğunluğu müəyyən etmək |
| Coğrafiya | 2 | 2-hesablama,1-seçim,1-uyğunluğu müəyyən etmək | |
| Ana dili | 1 | 2-seçim,1- ardıcıllıq,1-uyğunluğu müəyyən etmək | |
| III | Riyaziyyat | 1 | 3-hesablama,1-uyğunluğu müəyyən etmək |
| Tarix | 2 | 2-seçim,1-ardıçıllıq,1- uyğunluğu müəyyən etmək | |
| Ana dili | 2 | 2-seçim,1- ardıcıllıq,1-uyğunluğu müəyyən etmək | |
| IV | Riyaziyyat | 1 | 3-hesablama,1-uyğunluğu müəyyən etmək |
| Kimya | 2 | 2-hesablama,1-seçim,1-uyğunluğu müəyyən etmək | |
| Biologiya | 2 | 2-hesablama,1-seçim,1-uyğunluğu müəyyən etmək |
Bununla yanaşı, qeyd etmək lazımdır ki, imtahanın məzmunu ilə bağlı tətbiq edilən bu yenilik test bloklarının mürəkkəblik dərəcəsinə təsir etməyəcək. Sual kitabçaları formalaşdırılarkən son illərdə olduğu kimi, test tapşırıqlarının mürəkkəblik dərəcəsinə görə sayları dəyişməyəcək.
Qeyd edək ki, bu yeniliklə bağlı “Abituriyent” jurnalının 1-ci sayında model testlər dərc olunacaq.
Məltəm TALIBZADƏ
