Rusiyanın Krasnoyarsk diyarında Azərbaycan vətəndaşı 45 yaşlı Etibar Allahverən oğlu Zeynalovun məhkəmə prosesi yekunlaşıb.
Modern.az Rusiya mətbuatına isitnadən xəbər verir ki, Kemerovo vilayətindən Krasnoyarska satış məqsədilə 2 kiloqram heroin gətirərkən bu ilin aprelində yaxalanan azərbaycanlı məhkəmənin qərarı ilə 8 il 3 ay müddətinə azadlıqdan məhrum edilib. “Qara bazar”da dəyəri 200 min dollar olan narkotik partiyasına görə tutulan Etibar Zeynalov bundan əvvəl də eyni əmələ görə 5 il müddətinə azadlıqdan məhrum olunub.
2010-cu ildə vaxtından əvvəl həbsxanadan azad edilən azərbaycanlının narkotik qaçaqmalçılığı və ticarəti ilə məşğul olan mütəşşəkil cinayətkar dəstənin üzvü olduğu ehtimal olunur.
Vüqar İsmayılov
