Xalq artisti Mənsum İbrahimov “Ulduz” jurnalına 300 disk hədiyyə edəcək. Bu haqda Modern.az-a “Ulduz” jurnalının baş redaktoru şair Qulu Ağsəs məlumat verib. Qeyd edək ki, “Ulduz” jurnalının etdiyi yeniliklərdən biri də hər ay çıxan nömrənin üzərində əlavə hədiyyənin də olmasıdır. Ötən nömrələrdə Elçin İsgəndərzadə, Çingiz Abdullayev, Anarın kitabları jurnalın üzərində alıcılara hədiyyə olunub.
“Ulduz”un gələn nömrələrdən birinin əlavəsi isə xalq artisti Mənsum İbrahimovun hədiyyə edəcəyi “Leyli və Məcnun” operasının CD diskləri olacaq. Həmin operada Məcnun rolunu xalq artistinin özü ifa edib.
