Daxili İşlər Nazirliyi (DİN) Bakıda süpürgəçi qadının maşınla vurulduğunu əks etdirən fotoşəkillə bağlı açıqlama verib.
DİN-nin Kütləvi İnformasiya Vasitələri və ictimaiyyətlə əlaqələr şöbəsinin rəisi İlham Babayev Modern.az-ın sorğusuna cavab olaraq bildirib ki, hadisə martın 27-də saat 18 radələrində baş verib:
“Sabunçu rayonunun Sabunçu qəsəbəsində “KamAZ” markalı avtomobillə yolu keçən paytaxt sakini Cəmilə Salahova vurulub və nəticədə piyada hadisə yerində ölüb”.
Onun sözlərinə görə, hadisəni törətməkdə şübhəli bilinən şəxs saxlanılıb:
“Sabunçu RPİ 12-ci PŞ-nin əməkdaşları tərəfindən yol-nəqliyyat hadisəsini törətməkdə şübhəli bilinən sürücü - Bakı şəhər sakini, əvvəllər məhkum olunmuş Zaur Musayev saxlanılıb”.
