Binəqədi rayonunda marketdə döyülmə hadisəsi baş verib.
Modern.az APA-ya istinadən xəbər verir ki, hadisə Dərnəgül şosesində yerləşən marketlərin birində baş verib.
1975-ci il təvəllüdlü Həmzəyev Malik Samir oğlu satıcı işlədiyi marketdə naməlum şəxslə dava edib. O, küt alətlə (beysball çubuğu) döyülüb. Yaralı ağır vəziyyətdə 1 saylı şəhər xəstəxanasına yerləşdirilib.
Faktla bağlı Binəqədi Rayon Polis İdarəsinin 5-ci Polis Bölməsində araşdırma aparılır.
