Bu gün Azərbaycan Xalq Cümhuriyyətinin qurucularından olan Məhəmməd Əmin Rəsulzadənin vəfatının ildönümüdür.
Modern.az xəbər verir ki, anım günü ilə əlaqədar Azərbaycanın Türkiyədəki səfirliyinin kollektivi Ankarada siyasi xadimin məzarını ziyarət edib. Görkəmli tarixi şəxsiyyətin məzarı üstünə əklil qoyulub, ruhuna dualar oxunub.
Qeyd edək ki, M.Ə.Rəsulzadə 1955-ci il martın 6-da Ankarada 71 yaşında dünyasını dəyişib və Türkiyə paytaxtında dəfn olunub.
