Ստամբուլի Բյույուքադա կղզում կառքերում օգտագործումն արգելված 51 ձի տրվել է Թուրքիայի Կաստամոնու նահանգի Դադայ շրջանի ձիաբուծական տնտեսություններին և տեղի բնակիչներին։
Modern.az-ը հայտնում է, որ ձիերից 16-ը տրվել է 4 ձիաբուծական տնտեսության, իսկ 35-ը՝ քաղաքացիներին՝ տարբեր աշխատանքներում և գործունեություններում օգտագործելու համար։
Ձիաբուծական տնտեսության սեփականատեր Լևենտ Բիյիկլին հայտնել է, որ իրենք պարտավորվել են լավ խնամել ձիերին։
«Մենք խնամում ենք նրանց, քաղցած չենք պահում։ Մեզ մոտ գալուց հետո նրանք մի փոքր ավելի հանգիստ դարձան։ Քանի որ նրանք բաժանվել են կառքերից, այստեղ իրենց ավելի հարմարավետ են զգում։ Մենք նույնպես գոհ ենք դրանից», - նշել է նա։
