Modern.az

“Baş Prokurorluq Səttar Bəhlulzadənin əsərlərinə görə cinayət işi açmalıdır” - Eks-nazir

“Baş Prokurorluq Səttar Bəhlulzadənin əsərlərinə görə cinayət işi açmalıdır” - Eks-nazir

12 Yanvar 2023, 17:07

Azərbaycanın Xalq rəssamı Səttar Bəhlulzadənin əsərlərinin "e-Bay” internet mağazasında Oğuz Tolga adlı şəxs tərəfindən satışa çıxarılması qalmaqala səbəb olub.

Hələlik rəsmi qurumlar bu məsələ ilə bağlı mövqe bildirməyib.

Modern.az xəbər verir ki, sabiq xarici işlər naziri Tofiq Zülfüqarov Səttar Bəhlulzadənin əsərlərinin əcnəbi tərəfindən internetdə satılmasına görə iki dövlət qurumunu ittiham edib.

Eks nazir bildirib ki, həmin əsərlərin oğurlanması yalnız Mədəniyyət Nazirliyi və Dövlət Gömrük Komitəsində çalışan məmurların qanunsuz hərəkətləri nəticəsində mümkündür.
 

“Baş Prokurorluq dərhal bu məsələ ilə bağlı cinayət işi açmalı və Türkiyədən olan həmkarlarından hüquqi yardım istəməlidir”, - deyə T.Zülfüqarov vurğulayıb.


Qeyd edək ki, Xalq rəssamı Səttar Bəhlulzadənin 650 əsər "e-Bay” internet mağazasında Oğuz Tolga adlı şəxs tərəfindən 18 500 000 dollara (31 450 000 AZN) satışa çıxarılıb. 

Instagram
Gündəmdən xəbəriniz olsun!
Keçid et
Türkiyəli jurnalist Azərbaycanda nələr gördü?