Azərbaycan Karate Federasiyasının genişmiqyaslı texniki seminarı keçirilib.
Modern.az xəbər verir ki, bu barədə deputat Ülvi Quliyev "Facebook" hesabında paylaşım edib.
"Dənizkənarı ərazidə Azərbaycan Karate Federasiyasının rəhbərliyi ilə genişmiqyaslı texniki seminar baş tutdu. Ölkənin müxtəlif regionlarından 300-ə yaxın idmançı, məşqçi və qara kəmər sahibinin qatıldığı tədbirdə müasir məşq metodları və karate texnikasının sirləri bölüşüldü.Məqsəd vahid metodiki yanaşma ilə gənc karateçilərimizin peşəkarlığını artırmaq və ölkə idmanının inkişafına dəstək olmaqdır!"
