Qazaxıstan Prezidenti Kasım-Jomart Tokayev uzun illərdir əsas müşaviri kimi çalışan Erlan Karini vitse-prezident təyin edib.
Modern.az Reuters-ə istinadən xəbər verir ki, bu vəzifə ölkədə bu il qəbul edilən yeni Konstitusiyaya əsasən yaradılıb.
50 yaşlı Erlan Karin 2019-cu ildən Tokayevin əsas müşaviri vəzifəsində çalışır. O, daha əvvəl terrorizmlə mübarizə sahəsində fəaliyyət göstərib.
Qazaxıstan Ali Məhkəməsi 73 yaşlı Tokayevin yeni Konstitusiyaya əsasən daha bir 7 illik prezidentlik müddətinə namizədliyini irəli sürə biləcəyinə qərar verib. Tokayevin hazırkı prezidentlik müddəti 2029-cu ildə başa çatır.
Tokayev həmçinin Oljas Bektenovun baş nazir vəzifəsinə yenidən təyin olunmasını təklif edib. Bektenov 2024-cü ildən Qazaxıstan hökumətinə rəhbərlik edir. Hər iki təyinat ölkə parlamenti tərəfindən təsdiqlənib.
