Deputat Rizvan Nəbiyev Parlamentlərarası İttifaqın (PAİ) 150-ci Assambleyası çərçivəsində Özbəkistanda keçirilən Asiya Parlament Assambleyasının (APA) Koordinasiya iclasında çıxış edib.
Modern.az-a danışan Rizvan Nəbiyev çıxışı barədə məlumat verib.
"Çıxışımda bildirdim ki, Azərbaycan beynəlxalq hüquqa uyğun olaraq ərazilərinin Ermənistan tərəfindən 30 illik işğalına son qoyduqdan sonra regionda de-fakto sülh və sabitlik yaranıb. Hökumətimiz "Azərbaycan 2030 sosial-iqtisadi inkişafa dair Milli Prioritetlər" çərçivəsində həmçinin işğalın nəticələrinin aradan qaldırılmasını ehtiva edən sosial-iqtisadi tədbirlər həyata keçirir. Çıxışımda 300 min azərbaycanlı qaçqını təmsil edən Qərbi Azərbaycan İcmasının (QAİ) müraciətlərinə baxmayaraq, Ermənistan hökumətinin dialoqdan qaçdığını və onların insan hüquqları haqqında müxtəlif beynəlxalq sənədlərdə təsbit olunmuş qayıdış hüququnu təmin etməkdən yayındığını diqqətə çatdırdım".
