“Biz Qafqaz regionunda sabitlikdə maraqlı olduğumuzu aydın şəkildə ifadə etmişik”.
Modern.az xəbər verir ki, bunu ABŞ Dövlət Departamentinin rəsmi nümayəndəsi Ned Prays “İranın Azərbaycanla sərhəddə təlim keçirməsi və bunun Azərbaycanda narahatlıq doğurması” ilə bağlı sualı cavabında deyib.
“İranda keçirilən hərbi təlimlərlə bağlı xüsusi şərhim yoxdur. Biz iki ölkə arasında gərginliyi azaltmaq üçün Ermənistan və Azərbaycanla çalışdığımız Qafqaz regionunda sabitlik görmək istədiyimizi aydın şəkildə ifadə etmişik”, - deyə Prays qeyd edib.
