Avropa Parlamentinin təhlükəsizlik və müdafiə üzrə alt komitəsinin sədri Natali Luise və komitənin nümayəndə heyəti Ermənistan-Azərbaycan sərhədinə gəlib.
Modern.az xəbər verir ki, bu barədə Avropa İttifaqının Ermənistandakı missiyası məlumat yayıb.
Bildirilib ki, missiyanın rəhbəri Markus Ritter və Aİ-nin Ermənistandakı nümayəndəliyinin rəhbəri Andrea Viktorin Qarakilsədə yerləşən aerodromda nümayəndə heyətini qarşılayıb.
Parlamentarilər sərhəddə təhlükəsizlik vəziyyətini qiymətləndirəcəklər.
