Londonda zərgərlik mağazasından oğurluq olub. Modern.az xarici mediaya istinadən xəbər verir ki, mağazadan 1,8 milyon funtsterlinq (2,3 milyon dollardan artıq) dəyərində zinət əşyaları oğurlanıb.
Məlumata görə, soyğunçuluqda 8 nəfər iştirak edib. Onlardan 3-ü çəkic və lomla divarı deşib və içəri giriblər, digərləri isə çöldə vəziyyətə nəzarət ediblər.
Soyğunçular 3 saat mağazada olublar. Oğurlanan zinət əşyaları arasında qızıl və almaz boyunbağı, bilərzik və sırğalar var. Hələlik hadisəni törədənlərin kimliyi müəyyənləşdirilməyib.
Modern.az
