BDU-da Karyera, praktika və məzunlarla əlaqə mərkəzinin təşəbbüsü ilə Geologiya fakültəsinin IV kurs tələbələrinin Ekologiya və Təbii Sərvətlər Nazirliyinin Geoloji-kəşfiyyat Xidmətinin Geoloji İstehsalat şöbəsinin əməkdaşları ilə görüşü keçirilib.
Universitetin Mətbuat və informasiya şöbəsindən Modern.az-a verilən məlumata görə, adıçəkilən şöbənin rəis müavini Azadxan Səfərov istehsalat təcrübəsi , işəgötürmə haqqında ətraflı məlumat verib.
Daha sonra Milli Geoloji Kəşfiyyat Xidmətinin Geoloji axtarış və kəşfiyyat ekspedisiyalarında tədris planına uyğun olaraq istehsalat təcrübəsinin keçirilməsi və yekun buraxılış attestasiyasından sonra işlə təmin olunmaları müzakirə edilib.
Görüşdə Karyera, praktika və məzunlarla əlaqə mərkəzinin müdiri Adil Xasayev, Geologiya fakültəsinin dekanı Məhluqə Məmmədova, dekan müavinləri iştirak ediblər.
