Azərbaycanla Rusiya arasında dövlət sərhədinin demarkasiyası ilə bağlı növbəti görüşün vaxtı açıqlanıb.
Modern.az xəbər verir ki, Azərbaycan xarici işlər nazirinin müavini Xələf Xələfov növbəti görüşün fevralın 20-dən sonra keçiriləcəyini bildirib.
O qeyd edib ki, əvvəlcə komissiya sədrləri və ekspertlər səviyyəsində geniş müzakirələr aparılacaq: "Görüş Bakıda olacaq, sonra isə Rusiya ilə sərhəd zonasında sərhəd nişanlarının qoyulması mərasimi keçiriləcək".
Gürcüstanla sərhədlərin delimitasiyasına gəlincə, X.Xələfov bununla bağlı görüşün tarixin hələ məlum olmadığını deyib.
