Böyük Britaniyada qocalar evində yanğın olub. Modern.az “RİA Novosti”yə istinadən xəbər verir ki, hadisə ölkənin Stiveneyc şəhərində qeydə alınıb.
Məlumata görə, hadisə nəticəsində 1 nəfər ölüb, 6 nəfər xəsarət alıb. Yaralılar xəstəxanaya yerləşdiriliblər, onlardan birinin vəziyyəti ağırdır.
Hadisə yerinə yanğınsöndürənlər və təcili tibbi yardım briqadaları cəlb edilib.
Yanğının səbəbləri hələlik məlum deyil.
